Turǵyndar Almaty kóshelerinde ornatylǵanyna kóp bolmaǵan, esh búlinbegen jol jiegindegi bordiýrler qaita aýystyrylyp jatqanyna narazy. Osy máselege bailangysty qala ákimdigi mán-jaidy túsindirdi, dep habarlaidy "Ult aqparat".
Áleýmettik jelide jol jiegindegi bordiýrlerdiń alynyp jatqan videosy tarady.
«Almatyda bordiýrler múldem joq jerler kóp, al ákimdik olardyń jobaǵa enbegenin aitady, biraq munda jańa bordiýrlerdi jańasyna aýystyryp jatyr. Almaty, Áýezov aýdany, «Mamyr-4» shaǵynaýdany, Mustai Kárim kóshesi» dep jazdy jeli qoldanýshy.
Almaty qalalyq Mobildilik basqarmasynyń baspasóz qyzmeti atalǵan kóshede jóndeý jumystaryn júrgizý josparlanǵanyn aitty.
«Bul ýchaskedegi bardiýrlerdiń bári jańartylmaidy.Tek eskirip, estetikalyq kelbetin joǵaltqan bordiýrlerdiń ornyna jańasy qoiylady», - dep jaýap berdi basqarmadan.
