Almatyda «Quqyqtyq tártip» jedel aldyn alý sharasy barysynda tártip saqshylary megapolistegi jaldamaly páterler, hostelderdi, saiajai men bazarlardy tekserip jatyr, dep habarlaidy QazAqparat.
Politsiia departamentiniń málimetinshe, azamattar úiine kelgen politsiianyń nemese áskeri adamdardyń qyzmettik kýáligin kórýge quqyly.
«Bul tekserý qalada júrgizilip jatqan lańkestikke qarsy is-sharalar aiasynda qabyldandy. Azamattar úiine kelgen politsiia nemese áskeri qyzmetkerlerinen qyzmettik kýáligin kórsetýdi talap ete alady. Sodan keiin quqyq qorǵaý organdarynyń kezekshi bólimshesine telefon soǵyp sol adam týraly aqparat ala alady»,- deidi Almaty qalalyq politsiia departamentiniń resmi ókili Saltanat Ázirbek.
QR Ishki ister ministrliginiń málimetinshe, 15 qańtardan bastap tótenshe jaǵdai rejimi aiaqtalǵan óńirlerde «Quqyqtyq tártip» jedel-aldyn alý is-sharasy ótkizilip jatyr.
Al 19 qańtardan bastap bul shara Almaty men Nur-Sultan qalalarynda júzege asyrylyp jatyr.
Shara aiasynda óńirlerde:
- quqyq belgileitin qujattardy tekserý jáne kólik quraldaryn, sonymen qatar jeke tulǵa qujattaryn tekserý, olardyń jeke jáne zattaryn tekserý;
- jaldamaly páterlerdi, ien turǵan úilerdi, hostelderdi, saiajai alqaptaryn, bazarlardy, tehnikalyq qyzmet kórsetý stantsiialaryn, sharýa jáne fermer qojalyqtaryn, shalǵaidaǵy ýchaskelerdi, qystaqtardy jáne basqa da shalǵai jerlerdi tekserý;
- atys, travmatikalyq jáne sýyq qarýdy, oq-dárilerdi, jarylǵysh zattardy jáne t.b. tárkileý;
- belgili bir turǵylyqty jeri joq adamdardy, zańsyz kóship-qonýshylardy anyqtaý;
- buryn sottalǵan jáne ishki ister organdarynda esepte turǵan ózge de adamdardy tekserý.
