Foto: Kolesa.kz
Almaty qalasy Áýezov aýdanynda Iassaýi kóshesiniń Dastan kóshesimen qiylysynda jol jabyny opyryldy. Oqiǵa 17 qyrkúiek kúni tańerteń tirkelgen. Osyǵan bailanysty Almaty ákimdigi túsinikteme berdi, dep habarlaidy Ult.kz.
Aldyn ala málimet boiynsha, shamamen 100 sharshy metr aýmaqta asfalt jabyny búlingen. Buǵan deiin atalǵan aýmaqta «Spetskommýnstroi» merdiger kompaniiasy uzyndyǵy 2,8 shaqyrym bolatyn káriz jelilerin tartý jumystaryn júrgizgen edi.
Tekserý barysynda nóser jaýynnan keiin abonenttik jeliler transheialarynyń shaiylyp, topyraqtyń jumsarǵany anyqtaldy. Sonyń saldarynan asfalt oiylyp, jol tóseminiń tutastyǵy buzylǵan.
Qazir apatty aýmaqta qalpyna keltirý jumystary júrip jatyr. Jóndeý jumystarynyń 18 qyrkúiekke deiin aiaqtalatyny habarlandy.
Jobanyń tehnikalyq qadaǵalaý qyzmeti qurylys normalary men erejeleri saqtalǵanyn málimdedi. Degenmen, qosymsha tekserý jumystary bastalyp ketti. Aldyn ala nusqalardyń biri retinde topyraqtyń jetkilikti nyǵyzdalmaýy qarastyrylýda. Bul jaittyń naqty sebebi Qalalyq qurylys baqylaý basqarmasynyń saraptamasynan keiin belgili bolady.
Aita keteiik, Almatyda nóser jaýyn saldarynan jol opyrylyp, 13 kólikke zaqym kelgen.
