Almaty qalasynyń jappai vaktsinalaý shtaby eriktileriniń úilestirýshisi Jánibek Soltanai onlain brifing barysynda qala turǵyndary ekpe alý pýnktterine belsendi túrde kelip jatqanyn aitty, dep habarlaidy QazAqparat.
«Qala turyǵyndary arasynda jappai vaktsina salýdy júrgizýdiń aldynda ákimdik, memleket tarapynan keshendi jumys júrgizildi. Solardyń qatarynda bizdiń meditsinalyq joǵary oqý oryndary men kolledj stýdentteri bar. Olar ózderi sabaq ótip júrgen klinikalyq bazadaǵy naýqastarmen sóilesý arqyly, ózderi júrgen ortada osy vaktsinanyń mańyzyn túsindirý jumysyna belsendi aralasty. Sonyń nátijesinde qazir qala turǵyndary vaktsina salý oryndaryna kóptep kelýde», - deidi ol.
Sonymen qatar ol ekpe salý oryndarynda jumys istep jatqan volonter qatarynda meditsinalyq oqý ornynyń stýdentterimen birge ózge mamandyq ieleri de bar ekenin aitty.
«Ekpe salý pýnkteriniń jumysyn úilestirý úshin meditsinalyq bilim mindetti emes. Óitkeni bir jyldan beri koronavirýs infektsiiasymen birge ómir súrip kelemiz. Barlyǵy maska taǵyp, áleýmettik qashyqtyqty saqtaý qajettigin jaqsy biledi. Sondyqtan meditsinalyq emes oqý orynnyń stýdentteri osyndai qaýipsizdik sharasyn ustanýǵa kómektesip jatyr», - deidi Jánibek Soltanai.
Onyń aitýynsha, volonterlerdiń 70 paiyzy erikti túrde ekpeni saldyrǵan, qalǵandary aldaǵy ýaqytta saldyrady. Degenmen ekpeni saldyrý árkimniń óz erkinde.
