Almatyda volonterler az qamtylǵan jáne kópbalaly otbasylarǵa meditsinalyq maska taratý aktsiiasyn ótkizdi, dep habarlaidy "Ult aqparat".
Maskany tegin taratý arqyly olar taǵy bir ret turǵyndarǵa sanitarlyq normalardy saqtaýdy eske saldy.
«Qazir Almaty qalasy «qyzyl» aimaqta tur. Sondyqtan densaýlyq bizdiń basty qundylyǵymyz ekenin jáne ony qorǵaý birinshi kezektegi mindet ekenin umytpaǵan jón. Búgin volonterler «Nur Otan «partiiasynyń qoldaýymen az qamtylǵan jáne kópbalaly otbasylarǵa meditsinalyq maskalardy tegin taratty. Sonymen qatar, aýrýhanalardyń kireberisi men halyq kóp jinalatyn Arbatta taratyldy», - dedi «Qazaqstannyń eriktiler ligasy» QQ Almaty qalasy filialynyń tóraǵasy Nurjan Jasuzaqov.
Volonterler aktsiia barysynda 2000-nan astam maska taratty.
Aita ketý kerek, 10 naýryzda Almaty qalasy koronavirýs boiynsha «qyzyl» aimaqqa engen bolatyn. Qalanyń bas memlekettik sanitarlyq dárigeri Jandarbek Bekshin jańa qaýly shyǵardy. Oǵan sáikes demalys jáne mereke kúnderi qalada sport keshenderi, sporttyq-saýyqtyrý ortalyqtary men fitnes-ortalyqtar, sondai-aq, saýda, oiyn-saýyq ortalyqtary, saýda úileri men saýda jelileriniń qyzmetine tyiym salynǵan.
