Almatyda epidemiologiialyq jaǵdai turaqtaldy. Bul týraly Almaty qalasynyń memlekettik bas sanitar dárigeri Jandarbek Bekshin onlain brifing barysynda málim etti, dep habarlaidy "Ult aqparat".
Onyń aitýynsha, qalada koronavirýs infektsiiasyn juqtyrý kórsetkishi eki ese azaidy.
«Qazir Almatyda epidemiologiialyq jaǵdai jaqsardy. Ótken aptada 100 myń adamǵa shaqqanda aýrý deńgeii 5 boldy. Aýrýdy juqtyrý kórsetkishi 2 ese tómendedi. Al kúndelikti aýrýdyń ósimi shilde aiyna qaraǵanda 35 ese tómendedi. Nátijesinde juqpaly aýrýlar aýrýhanasyndaǵy tósek oryndardyń 83 paiyzy bosady. Osyndai, obektivti kórsetkish epidemiologiialyq jaǵdaidyń turaqtalǵanyn kórsetedi. Virýs juqtyrýdyń tómendeýine qalada júrgizilip jatqan aldyn alý jumystary septigin tigizdi», - dedi Jandarbek Bekshin.
