Almatyda vaktsinatsiia boiynsha arnaiy joba ázirlendi. Bul týraly Almaty qalalyq qoǵamdyq densaýlyq basqarmasynyń ókili, telemeditsina ortalyǵynyń basshysy Laýra Myrzaǵali onlain brifing barysynda málim etti, dep habarlaidy "Ult aqparat".
«Qala ákiminiń tapsyrmasy boiynsha biz qazir kóp mólsherde vaktsinanyń kelýin kútip otyrmyz jáne ony bólý boiynsha arnaiy shtab quryldy. Oǵan qosa Almatynyń vaktsinatsiialaý jumysynyń josparyn jasap shyqtyq, ony búgin qala ákimimen bekitemiz. Vaktsinatsiialaý boiynsha úlken jumys atqaryldy jáne oǵan qalanyń biznes qaýymdastyǵy da tartyldy. Qazir qaladaǵy iri saýda úileri men bazarlarda, mektepterde vaktsina salý oryndaryn ashý máselesi qaralyp jatyr», - dedi Laýra Myrzaǵali.
Almatyda qazir 56 ekpe salý kabineti jumys istep tur, onyń 16-sy jekemenshik uiymdarda.
Buǵan deiin Almaty ákimi qalaǵa ai saiyn 250 myń doza vaktsina bólinetinin aitqan bolatyn.
