Almatyda koronavirýsqa qarsy vaktsinany jetkizý jospary aityldy, dep habarlaidy "Ult aqparat".
Vaktsinanyń birinshi kezeńinde 1750 meditsina qyzmetkerine ekpe egildi.
Naýryz aiynda 10 myń 800 doza vaktsina alynyp, 658 politsiia qyzmetkeri men 310 muǵalim vaktsinatsiialandy. Bul jumys kún saiyn jalǵasýda.
«Biz basqa kontingentter úshin de ákelinetin kelesi ekpelerdi kútýdemiz. Bul naýryz aiynan soń bolady. Osy oraida Almaty qalasyna qosymsha 16 myń 300 doza ekpe beriledi. Ekpe alýshylardyń sany óse bermek. Biz qosymsha, ekpe egýge jatatyn stýdentter men basqa da tulǵalarǵa da ekpe egemiz», - dedi Ortalyq qalalyq klinikalyq aýrýhanasy direktorynyń infektsiialyq baqylaýdy qamtamasyz etý jónindegi orynbasarynyń mindetin atqarýshy Elvira Ibragimova.
Onyń aitýynsha, jospar boiynsha kelesi ekpe sáýir, mamyr, maýsym ailyranda ákelinýi tiis.
Spikerdiń aitýynsha, Naýryz meiramynan keiin stýdentterge jáne basqa adamdarǵa 16 myńnan astam doza vaktsina alynady.
Elvira Ibragimova antideneler týraly suraqqa da jaýap berdi.
«Antideneler 42-shi kúni túziledi. Klinikalyq zertteýler júrgizilýde. Óndirýshiniń aqparaty boiynsha immýnitet bir jyldan eki jylǵa deiin saqtalady. Eger adam aýyryp-jazylǵan bolsa, onda oǵan saýyqqannan keiin alty aidan keiin ekpe salýǵa bolady «, - dep túsindirdi ol.
Sonymen qatar, spiker vaktsinanyń qorǵanysy joǵary jáne tipti, eger juqtyrǵan bolsa, aýrý vaktsinatsiialanbaǵan adamdarǵa qaraǵanda jeńil túrde ótetinin basa aitty. Degenmen, betperde kiiýdi jalǵastyrý jáne áleýmettik araqashyqtyqty saqtaý qajet.
«Bul infektsiia biz úshin jańa ekenin eskere otyryp, vaktsinatsiiadan keiin betperde kiiýdi jáne barlyq aldyn alý sharalaryn saqtaýdy usynamyz», - dedi ol.
Esterińizge sala keteiik, aǵymdaǵy jyldyń 1 aqpanynan bastap, Almatyda koronavirýsqa qarsy ekpe egi naýqany bastalǵan. «Spýtnik V» ekpesin egýdiń birinshi kezeńinde meditsina qyzmetkerleri men pandemiiamen kúreste aldyńǵy shepte júrgender egiledi. Naýryzdan bastap, politsiia qyzmetkerleri men ustazdar qaýymyna ekpe egý bastaldy.
