Almatyda «Spýtnik-V» kvotasy ulǵaitylady. Bul týraly Almaty ákimi Baqytjan Saǵyntaev «Akimat live» tikelei efir barysynda málim etti, dep habarlaidy "Ult aqparat".
«Qazir reseilik «Spýtnik-V» vaktsinasyn egý júzege asyrylyp jatyr. Aqpanda biz 1750 vaktsinany quraityn alǵashqy partiiany aldyq. Aqpanda vaktsinanyń basym bóligin meditsina qyzmetkerleri ekti. Naýryzdyń basynda 10800 doza alyndy. Ol meditsina qyzmetkerleri, ustazdar men politsiia qyzmetkerlerine egildi. Qolda bar vaktsinanyń barlyǵy iske jarady. Sáýirde vaktsinanyń iri kólemi túsýi kerek. Bizge bólingen kvota sany 65 myń boldy. Biraq men keshe Premer-Ministrmen sóilesip, 65 myń kvota az ekenin aittym. Premer-Ministr bul sózimmen kelisti. Jaqyn arada biz kvota sanyn arttyramyz», - dedi Saǵyntaev.
Sonymen qatar, Almaty ákimi vaktsinatsiia boiynsha mobildik brigadalar jumys isteitinin aitty.
«Búgin birqatar kásipker óz alańdaryn usyndy. Bul uiymdastyrylǵan túrde júzege asyrylýy kerek. Aýqymdy jumys júrgizilip jatyr. Biz qalada jappai vaktsinatsiiany bastaýǵa daiynbyz. Tek shekteý sharalarymen alysqa barmaimyz. Biz bir jyl boiy bul tájiribeni qoldanyp kelemiz. Karantinge jabamyz, tótenshe jaǵdai jariialaimyz. Biraq virýs ózgerip jatyr», - dedi qala ákimi.
Saǵyntaev virýstana vaktsina ǵana qutqaratynyn jetkizdi.
«Tek vaktsina ǵana qutqara alady. Sondyqtan jappai vaktsinalaýǵa túsinistikpen qaraýǵa shaqyramyn. Ujymdyq immýnitet qalyptassa, qalypty ómirge oralamyz. Osydan basqa jol joq ekenin biz ǵana emes, búkil álem kórip otyr», - dedi Almaty Baqytjan Saǵyntaev.
