Almatyda Qazaqstan Respýblikasy V qysqy spartakiadasynyń saltanatty ashylýy ótti, dep habarlaidy QazAqparat.
«Almaty Arena» sport saraiynda ótken spartakiadanyń saltanatty ashylý rásiminde QR Mádeniet jáne sport vitse-ministri Serik Jarasbaev quttyqtaý sóz sóiledi.
«Sizder bilesizder, spartakiada tórt jylda bir ret ótedi. Bul tórtjyldyqtyń basty jarysy - Olimpiada oiyndarynyń aldynda sport túrleri boiynsha ulttyq quramaǵa irikteitin iri keshendi is-shara. Spartakiadany alǵash ret bir qalada, bir jerde ótkizýge múmkindigimiz bar ekeni qýantady. Uiymdastyrýshylarǵa alǵys aitqym keledi», - dep quttyqtaǵan ol Qazaqstan Respýblikasynyń V qysqy spartakiadasyn ashyq dep jariialady.
Sondai-aq, almatylyqtar men sportshylardy Almaty qalasy sport basqarmasynyń basshysy Rústem Baiseitov, QR UOK sport direktsiiasynyń direktory Elsiiar Qanaǵatov quttyqtady.
Osydan soń elimizdiń 16 oblysy men 3 qalasynan kelgen 1300-ge jýyq myqty sportshylar sport saraiynyń ortasymen júrip ótti.
Kelesi kezekte sportshylar atynan konkimen júgirýshi Qudaibergen Temirjanov:
«Biz ádildik jáne teńdik rýhyndaǵy erejelerdi qurmettei jáne saqtai otyryp, Spartakiadaǵa qatysýǵa ýáde beremiz», - dep ant berse, ádilqazy alqasy atynan shańǵydan joǵarǵy sanatty tóreshi Ábilqaiyr Nurqanov jarystyń ádil ótýine ant berdi.
Saltanatty shara óner juldyzdarynyń qatysýymen merekelik baǵdarlamaǵa ulasty.
