Almatyda turǵyn úi parkinginde eki avtokólik janyp ketti, dep habarlaidy "Ult aqparat".
Video áleýmettik jelige taraǵan. Oqiǵa 11 naýryz saǵat 6:30-da Brýsilovskii kóshesindegi «Altyn bulaq» turǵyn úi keshenindegi parkingte bolǵan.
«Órttiń qaidan shyǵyp jatqanyn órt sóndirýshileri televizor arqyly tapty. Eki kóliktiń janyp jatqany jáne janyndaǵy basqa avtokólikterge de qaýip tónip turǵany anyqtalǵan»,-deidi TJD mamandary.
Órt sóndirýshilerdiń aitýynsha, jer asty parkinginde gaz-tútinnen qorǵaý bóliminiń eki jasaǵy jumys istegen. Saǵat 07:09-da 6 sharshy metr aýmaqty sharpyǵan qyzyl jalyn aýyzdyqtaldy.
«Qasynda turǵan avtokólikter órtten aman. Órt bolǵan jerge 5 tehnika men jeke quramnan 18 adam jumyldyryldy. Zardap shekkender joq»,- dedi departament mamandary.
Almaty TJD órttiń avtokólikti 2-3 minýtta kúlge ainaldyratynyn aitady.
Sol sebepti avtokólikterdi arnaiy tehnikalyq qaraý ortalyqtarynda ǵana elektrqurylǵymen jabdyqtaý kerektigin aitady.
Sondai-aq, kólikte órt sóndirý ballonynyń bolýy shart.
