Almatyda Perinatologiia jáne balalar kardiohirýrgiiasy ortalyǵynda úshem dúniege keldi, dep habarlaidy QazAqparat.
Ortalyqtyń málimetinshe, jańa týǵan nárestelerdiń úsheýi de qyz bala. 1600 jáne 1400 gramm salmaqpen týǵan. Úshemder kesir tiligi arqyly dúniege keldi. Barlyq ýaqyt boiy ana men sábilerdiń densaýlyǵy qatań baqylaýda boldy.
«Birinshi qyz bastapqyda ózdiginen tynys aldy. Salmaǵy tómendeý eki qyz úsh kún ókpeniń invazivti emes jeldetý apparatynda reanimatsiiada jatty. Jaǵdailary turaqtanǵan soń, patologiia bólimshesine aýystyryldy. Qazir sábilerdiń densaýlyǵyna eshqandai qaýip tónip turǵan joq. Búginde olardyń densaýlyǵy jaqsy, jaǵdaiy turaqty», - dedi náresteler reanimatsiiasy bólimshesiniń meńgerýshisi Saniiat Sultanova.
Aita keteiik, Almatydaǵy Perinatologiia jáne balalar kardiohirýrgiiasy ortalyǵynda jyl basynan beri 97 egiz jáne bir úshem dúniege keldi.
