Almatyda Ulttyq baspasóz klýby ǵimaraty súrilip jatyr, - dep habarlaidy kaz.tengrinews.kz tilshisi oqiǵa ornynan.
Osyǵan deiin, birinshi instantsiiadaǵy sottyń sheshimimen Ulttyq baspasóz klýby jáne "QazTAG" HAA ornalasqan ǵimarattyń 3 jáne 4 qabattary seismikalyq qaýipti dep tanylǵan.
Sot oryndaýshy Arnur Baqytbergenniń aitýynsha, súrilý týraly sot sheshimi zańdy kúshine engen. Baqytbergen Ulttyq baspasóz klýbyna óz erkimen súrýine bir ai ýaqyt berilgen, alaida olar súrý jumystaryn bastamaǵanyn aitty. "30 maýsymda bizge óz erkimen súrý týraly qujat kelip tústi, sodan keiin olar óz erkimen buzatynyn aitty. Taǵy da ýaqyt surady. Qazirgi kezde kúshtep súrý jumystary júrgizilip jatyr. Olarǵa eki ai merzim berildi", - dedi sot oryndaýshy. Ol arnaiy tehnikanyń tartylmaǵanyn jáne ázirge jumystar adam qolymen júrgizilip jatqanyn aitty. Sondai-aq, sot oryndaýshynyń aitýynsha, súrilip bolǵannan keiin ǵimarattyń iesine júrgizilgen jumystar úshin esep-shot tabystalady eken.
Óz kezeginde, Ulttyq baspasóz klýbynyń ókili Asqar Mataevtyń aitýynsha olar súrilý jumystaryna daiyn bolǵan. "Qazirgi kezde ǵimarat bos tur. Biz bul sheshimge daiyn bolǵanbyz, sondyqtan barlyq zattardy basqa jerlerge kóshirdik. (...) Sot sheshimi bar. Negizinde ǵimarattyń salynýy týraly barlyq qujattar bar. Sot sheshim shyǵardy, alaida barlyq qujattar rettelgen jáne zańdastyrylǵan. Birinshi jáne ekinshi qabattar 50-shi jyldary salynǵan, 2006 jyly jóndeýden ótken. Muny seismo qaýipti dep sanaidy. Biz qazirgi kezde osy istiń qaita qaralýy úshin Joǵary sotqa shaǵymdandyq", - dedi Mataev.
