Almatyda Tilendiev kóshesi men Rysqulov dańǵylyndaǵy jol qozǵalysyna ózgerister engiziledi, dep habarlaidy QazAqparat.
Rysqulov dańǵyly men Emtsov kóshesiniń qiylysyndaǵy jolairyǵy boiymen kólik qozǵalysy ashylǵannan keiin qosalqy kósheler men qiylystardaǵy jol qozǵalysyna testilik rejimde ózgerister engizilgen bolatyn.
Atalǵan jumystar aiasynda Tilendiev kóshesi qiylysyndaǵy baǵdarsham nysany sóndirildi. Bul sharalar Rysqulov dańǵylynyń ótkizý qabiletin arttyrýǵa baǵyttalǵan.
Kórsetilgen aýmaqta standarttarǵa sáikes qiylystan shyǵysqa qarai 250 metr, batysqa qarai 150 metr qashyqtyqta jolústi jáne jolasty jolaýshylar ótkeli ornalasqan.
Qalyptasqan kólik jaǵdaiy men jergilikti turǵyndardyń ótinishi boiynsha atalǵan qiylystaǵy kólik qozǵalysyna ózgerister engizý týraly sheshim qabyldandy.
Rysqulov dańǵylyn kesip ótý úshin Nemirovich-Danchenko kóshesinde shyǵysqa qarai baǵdarsham iske qosylady.
Nemirovich-Danchenko kóshesi boiymen kólik qozǵalysy kezinde soltústik baǵytta tikke, solǵa jáne ońǵa júrýge múmkindik jasalady, Ońtústik baǵytta Jańaarqa kóshesimen qozǵalys kezinde tek ońǵa burylýǵa bolady.
Baǵdarsham osy rejimde 2022 jylǵy qańtardyń aiaǵyna deiin jumys isteidi. Osy aralyqtaǵy kólik qozǵalysy jaǵdaiy týraly esep alynǵannan keiin atalǵan aýmaq úshin ońtaily kólik qozǵalysy rejimi bekitiletin bolady.
Atalǵan sharalardyń negizgi maqsaty - jol qozǵalysy qatysýshylarynyń qaýipsizdigin qamtamasyz etý jáne jol jelisiniń ótkizý qabiletin arttyrý.
