Almatyda tanymal kafeniń jazǵy terrasasy buzyldy, sebebi memlekettik qorǵa tiesili jerge zańsyz salynǵan, dep habarlaidy "Ult aqparat".
Qala qurylysyn baqylaý basqarmasynyń málimetinshe, bul nysan boiynsha sot isi 2019 jyldan beri jalǵasyp keledi.
«2019 jyly mamandandyrylǵan aýdanaralyq ákimshilik sotynyń qaýlysymen menshik iesi QR Ákimshilik quqyq buzýshylyq týraly kodeksiniń 319-baby boiynsha kináli dep tanylyp, aiyppul salyndy. Biraq bizdiń nysandy buzý týraly talabymyz eskerilmedi. Tek biyl ǵana Almaty qalasynyń mamandandyrylǵan aýdanaralyq ekonomikalyq sotynyń sheshimi negizinde zańsyz salynǵan jazǵy terrasany buzýǵa qol jetkizdik», - dep habarlady basqarmadaǵylar.
Búgin Gogol kóshesi № 169 mekenjaiynda ornalasqan nysandy buzý jumystary sot oryndaýshylarynyń qatysýymen júrgizildi.
