Almaty politsiiasy karantinge jabylǵan qala territoriiasyna ótpek bolǵan taǵy eki adamdy ustady, dep habarlaidy QazAqparat.
40-tan asqan oblys turǵyndary Qulja trassasynda ornalasqan baqylaý-ótkizý pýnktinen ainalma jolmen júrip ótip, qalaǵa kirgen. Sol arqyly Almaty qalasyna kirip- shyǵýdy shekteitin arnaiy rejimdi buzǵan.
«Jumys nemese jeke sharýalar úshin qalaǵa kirýge ainalma jolmen ótýge tyrysýdyń qajeti joq. Azamattar úiine oralǵan kezde úidegilerge virýs taratyp, jaqyndary men týystaryna juqtyryp alýy múmkin ekenin túsinýi kerek. Qazirgi ýaqytta barlyq jasyryn joldar, alleialar, ainalma joldar jabyldy, ol jaqta táýlik boiy politsiia men Ulttyq ulan jaýyngerleri kezekshilik etedi. Qalanyń arǵy betinde Almaty oblysyndaǵy áriptesterimiz de kezekshilikte. Qalaǵa kirý nemese shyǵý úshin zańǵa qaishy áreketterge baratyn adamdar qatań jazalanady. Sanaly azamattar virýs juqtyryp almaý úshin tipti úilerinen shyqpaidy. Sondyqtan biz Almaty qalasy men Almaty oblysynyń turǵyndaryna úide bolý jáne jaqyn adamdaryna ýaqyt bólýge keńes beremiz. Karantin rejiminde neǵurlym qatal bolsaq, soǵurlym tezirek aiaqtalady. Munyń bári ózimizge bailanysty», - dedi Almaty qalalyq politsiia departamenti bastyǵynyń birinshi orynbasary, politsiia polkovnigi Nurlan Almasbekov.
Karantin rejimin buzǵandardyń taǵdyryn Almaty qalasynyń mamandandyrylǵan aýdanaralyq ákimshilik soty sheshedi. QR ÁQbK-niń 476-babynyń 1-tarmaǵyna sáikes, rejim buzýshylar 15 táýlikke deiin ákimshilik qamaýǵa alynady.
Eske salaiyq, Almatyda bas memlekettik sanitar dárigerdiń mindetin atqarýshynyń 18 naýryzdaǵy № 8 buiryǵyna sáikes 19 naýryz 00:00-den bastap COVID-19 koronavirýs infektsiiasynyń Qazaqstan Respýblikasynyń basqa aimaqtarynyń aýmaǵy taralýyna jol bermeý maqsatynda adamdarǵa Almaty qalasyna kirip-shyǵýǵa tyiym salynǵan bolatyn.
