Almaty qalasynda lai kóshkini túsken orynda avariialyq-qutqarý jumystary júrgizilip jatyr, dep habarlaidy QR Tótenshe jaǵdailar ministrliginiń baspasóz qyzmeti.
Baspasóz málimetterine qaraǵanda, sýyq sýmen jabdyqtaý qubyrynyń jarylýy saldarynan topyraq ylǵaldanyp, keiin kólemi 3200 tekshe metr bolatyn lai kóshkini túsken. Eki jer úige, onyń ishinde bireýine ishinara zaqym kelgen.
Aldyn ala aqparatqa sáikes, úilerde tórt adam, onyń ishinde eki bala bolǵan.
Oqiǵa ornynda «Qazseldenqorǵaý» MM, Almaty qalasynyń «109 qutqarý qyzmeti» MM, Respýblikalyq jedel-qutqarý jasaǵynan, Almaty qalasy TJD, TJM 28237 áskeri bóliminen, jedel meditsinalyq kómek brigadasynan, Medeý aýdanynyń ákimdiginen 160-tan astam adam jáne 30 birlik tehnika jumyldyryldy.
Jaqyn mańdaǵy úilerdiń turǵyndary evakýatsiialandy. Olar № 47 mektepke ornalastyryldy. Olarǵa túneý orny, jyly shai jáne basqa da qajetti kómek kórsetildi. Jinalý pýnktine ornalastyrylǵannan keiin birneshe saǵat ótken soń, turǵyndar óz erkimen dostary men týystaryna ketti.
Dárigerler brigadasy kezekshilik uiymdastyrdy. Oqiǵa ornynda TJD psihologiialyq toby jumys istep jatyr. Yqtimal zardap shekkenderdi izdeý jalǵasýda. Úilerdiń jaqyn ornalasýy, tehnikany paidalaný múmkindiginiń bolmaýy jumystardy qiyndatýda.
