Almatyda stýdentterge arnalǵan jataqhanalardyń birinde koronavirýs infektsiiasy tirkeldi. Bul týraly qalalyq sanitariialyq-epidemiologiialyq baqylaý departamenti basshysynyń orynbasary Ásel Qalyqova onlain brifingte aitty, dep habarlaidy "Ult aqparat".
"Jataqhanalardyń birinen koronavirýs anyqtaldy. Indet juqtyrǵan stýdentter PTR testin ózderi tapsyrǵan. Onda epidemiologiialyq sharalar qabyldandy. Bailanys sheńberi anyqtaldy. Barlyǵy baqylaýda", - dedi spiker.
Onyń aitýynsha koronavirýs úsh stýdentten anyqtalǵan. Olar bir bólmede turmaǵan.
«Almaty bas sanitariia dárigeriniń qaýlysy kúshine endi. Ol boiynsha 1-kýrs stýdentteri oflain oqi alady, bul jataqhanada turýǵa da qatysty. Sabaq oqýǵa múmkindigi jáne turatyn jeri joq stýdentter barlyq sanitarlyq normany saqtai otyryp jataqhanada qala beredi», - dedi ol.
Sonymen qatar, ol qazir qalada virýstyń mýtatsiiaǵa ushyraǵan britaniialyq jáne ońtústikafrikalyq shtammdarynyń belgileri anyqtalǵanyn atap ótti.
Onyń qaýiptiligi sol, ol burynǵydan eki ese tez taraidy. Sondyqtan qaýipsizdik sharalaryn qatań saqtaý qajet.
