Almatyda sottalǵan balalar Naýryz meiramyn toilady

Foto: polisia.kz

Almaty qalasy, Almaty jáne Jetisý oblystary boiynsha qylmystyq-atqarý júiesi departamentine qarasty №11 mekemesinde kámeletke tolmaǵan sottalǵandar Naýryz meiramyn toilady, – dep habarlaidy «Ult aqparat» Polisia.kz-ke silteme jasap.

Naýryznama onkúndigi bastamasyna orai mekeme aýmaǵynda merekelik uiymdastyrý jumystary júzege asýda. Mekeme ishindegi mektep ustazdary oqýshylarǵa Kórisý kúni, Qaiyrymdylyq kúni jáne Ulttyq kiimder kúni siiaqty ataýly kúnderdi nasihattap, salt-dástúrimizdi erekshe dáriptedi.  

Mekeme qyzmetkerleri jáne tárbieshi mamandardyń jetekshiligimen jazaly balalar Jańarý kúninde aǵashtardyń túbin qopsytyp, ainalany tazalap, Ulttyq sport kúninde sporttyq is-sharalarǵa qatysty. 

Búgingi naýryz saltanatynda Jambyl atyndaǵy jasópirimder kitaphanasynyń qyzmetkerleri men arnaiy qonaq bolyp kelgen ónerpazdar jazaly jasóspirimderge erekshe kóńil kúi syilady. 

Saltanatty merekeniń óz deńgeiinde ótýine atsalysqan Jambyl atyndaǵy jasóspirimder kitaphanasynyń qyzmetkerlerine jáne kelgen qonaqtarǵa tárbie bóliminiń bastyǵy Alma Bázilbaeva zor alǵysyn bildirip, mekeme bastyǵynyń atynan alǵys aitty. 

Is-sharanyń sońynda jazasyn óteýshi jasóspirimder túski asqa arnaiy daiyndalǵan naýryz kójeden dám tatty.