Almatynyń Almaly aýdanynda «Sergek» beinekameralarynyń sany 1 069-ǵa deiin artady. Bul týraly Almaty ákimi Erbolat Dosaev málimdedi, dep habarlaidy QazAqparat.
Ákimniń aitýynsha, shahardyń damýynda qoǵamdyq qaýipsizdikti qamtamasyz etý máselesi óte ózekti. Sol úshin qalada aldyn alý sharalary qolǵa alynýda.
«Biylǵy jyldyń sońyna deiin aýdanda «Sergek» kameralarynyń sanyn 122-ge arttyryp, 1 069 birlikke deiin jetkizý josparlanýda. Adamdardyń jappai jinalatyn oryndarǵa qosymsha 541 beinekamera, onyń ishinde 200-i aýlalarda, 118-i saiabaq, alańdarǵa jáne 223 qiylystarǵa ornatylady. Bul rette aita keteiin, buryn biýdjet esebinen aýlalarda kameralar ornatylmaǵan bolatyn», - dedi Almaty ákimi.
