Almaty qalalyq Tótenshe jaǵdailar departamenti sel qaýipi kezeńi týraly aityp berdi, dep habarlaidy "Ult aqparat".
Qalalyq Tótenshe jaǵdailar departamentiniń málimetinshe, Almaty qalasynyń mańynda 45 morena kóli ornalasqan, onyń 15-si asa qaýipti. Biyl Kishi jáne Úlken Almaty, Qarǵaly jáne Aqsai ózenderiniń bas jaǵynda ornalasqan 7 kól qaýip tóndirdi.
15 maýsymnan bastap 20 qyrkúiekke deiin 7 morena kóliniń sýy azaityldy.
Osy aralyqta Qazseldenqorǵaý kúshterimen morena kólderden 5 mln tekshe metrden astam sý aǵyzyldy, iaǵni alǵashqydaǵy jalpy kólemi 1,1 mln tekshe metr.
«Atap ótý qajet, muzdyqtardyń erýinen kólder kúndelikti sýǵa tolyp turdy, egerde bul qubylystar bolmaǵan jaǵdaida kólderdi osy kúnge deiin 5 ret sýdan bosatýǵa bolatyn edi. Sorǵylar men qosymsha ornatylǵan sifondy qubyrlardyń, sondai-aq qoldan qazylǵan aryqtardyń kómegimen kólderdegi sýdyń deńgeii qaýipsiz belgige deiin tómendetildi, iaǵni 1-7 metrge deiin túsip, seldiń bolmaýyna septigin tigizdi»,– dep habarlady Almaty qalasynyń Tótenshe jaǵdailar departamenti.
2015 jyl men byltyrǵy jyly sel júrgen Qarǵaly ózeniniń basseinindegi №1 kólde sýdy ózdiginen aǵyzyp jiberýge arnalǵan kanal salyndy, nátijesinde tranzit kólge ainalyp, Naýryzbai aýdanynyń turǵyndary úshin sel qaýpi seiildi.
Aldyn alý jumystaryna shamamen 60 adam men 9 arnaiy tehnika qatysyp, aerovizýaldy baqylaý jáne shalǵai jerlerge jabdyqtardy jetkizý úshin QR TJM aviatsiiasy qoldanyldy.
«Qazirgi tańda muzdyqtardyń erýi toqtap, morenalyq kólder qysqy rejimge aýysýda, sel qaýpi joq»,– dep atap ótti TJD.
Budan bólek, qala turǵyndary men infraqurylymdarynyń qaýipsizdigin qamtamasyz etý maqsatynda jergilikti biýdjet esebinen «Aiýsai» jáne «Aqsai» shatqaldarynda eki selge tosqaýyl bógetiniń qurylysyna jobalaý-smetalyq qujattama ázirlendi, búgingi kúni qurylys-montajdaý jumystaryn júzege asyrý úshin qurylys jobalary QR TJM «Qazseldenqorǵaý» MM-ge berildi. Bógetterdiń qurylysy 2021-2023 jyldarǵa josparlanǵan.
