Shomylý maýsymy bastalǵaly beri Sairan kólinen 8 adam qutqaryldy, onyń ekeýi bala, dep habarlaidy QazAqparat.
Almaty qalalyq Tótenshe jaǵdailar departamentiniń málimetinshe, shomylý maýsymy bastalǵaly beri belgilenbegen oryndarda sýǵa túskeni jáne sý aidyndarynda spirttik ishimdik ishkeni úshin 24 adam ákimshilik jaýapqa tartyldy. Aiyppuldardyń jalpy somasy - 87000 teńge.
13 adam QR Ákimshilik quqyqbuzýshylyq týraly Kodeksiniń 364-babyna sáikes «Ortaq sý paidalaný erejelerin buzý» boiynsha jazalandy.
QR ÁQBK 440-babyna sáikes 11 adamǵa «Alkogoldik ishimdikter ishý nemese qoǵamdyq oryndarǵa masań kúide kelý» boiynsha aiyppul salyndy.
Sonymen qatar, qutqarýshylar Sairan kólinen 8 adamdy qutqardy, onyń ekeýi — bala.
Almaty qalasynyń TJD jalpy sý paidalaný erejelerin buzbaýǵa jáne tek qalanyń ruqsat etilgen jaǵajailarynda shomylýǵa keńes beredi.
