Almatydaǵy epidemiologiialyq ahýalǵa arnalǵan onlain baspasóz konferentsiiasynda qala ákimi Baqytjan Saǵyntaev almatylyqtardy jappai vaktsinalaýdyń qashan bastalatynyn aitty, dep habarlaidy QazAqparat.
Qala ákiminiń aitýynsha, sáýir aiynda 250 egý pýnkti ashylady. Onyń ishinde iri saýda oryndarynda da ekpe pýnktteri jumys isteitin bolady.
«Qoǵamdyq densaýlyq basqarmasy ashylatyn vaktsinalaý pýnktterin qajetti meditsinalyq jabdyqtarmen jáne mamandarmen qamtamasyz etetin bolady. Al qarjylyq shyǵyndardy esepteýdi Almaty ákimdiginiń strategiia jáne biýdjet basqarmasy júzege asyrady. Budan bólek, biznes qaýymdastyq tasymaldaý, saqtaý, úi-jai berý jáne vaktsinalaý pýnktterin uiymdastyrýǵa tegin qoldaý kórsetedi»,- dedi ákim.
Sonymen qatar, ol koronavirýsqa qarsy jappai vaktsinalaý júrgizilgen jaǵdaida, ony juqtyratyn adam sanynyń kúrt azaiatynyn aitty.
«Jappai vaktsinalaý qalypty ómir saltyna oralýǵa jáne karantindik shekteýlerdi birtindep jeńildetýge múmkindik beredi. Vaktsina – aýrýdyń aldyn alýdyń eń senimdi ári barynsha tiimdi sharasy, iaǵni vaktsina emdemeidi, qorǵaidy»,- dep tolyqtyrdy Baqytjan Saǵyntaev.
Aita keteiik, búginde qalaǵa 21 850 doza vaktsina jetkizildi. Sáýir men mamyr aralyǵynda Almaty vaktsinanyń qosymsha 750 myń dozasyn alady – aiyna 250 myń dozadan.
