Sýret: Almaty TJD
Almatynyń Samal aýdanynda ornalasqan saýda ortalyǵy órtten zardap shekti, dep habarlady Sputnik Qazaqstan agenttigi Almaty tótenshe jaǵdailar departamentine silteme jasap.
TJD habarlaýynsha, Meńdiqulov, 98 mekenjaiynda órt 6 maýsymda saǵat 05:45-te týyndaǵan.
Saýda úiine irgeles ornalasqan doner satatyn orynnan órt shyqqan. Artynsha tilsiz jaý ekinshi qabat pen ǵimarat shatyryna qarai yǵysqan.
"Órt aýmaǵy 150 sharshy metrdi qurady. Órt sóndirý qyzmetiniń alǵashqy bólimsheleri oqiǵa ornyna saǵat 05:50-de (5 minýtta) jetti. Saǵat 06:16-da órt aýyzdyqtalyp, 06:30-da sóndirildi. Saýda úii aýmaǵynyń basym bóligin órtten aman alyp qaldyq", - dep habarlady TJD.
Órtten zardap shekkender men qaitys bolǵandar joq. Órttiń shyǵý sebebi anyqtalyp jatyr.
