Almaty qalasy sanitariialyq-epidemiologiialyq baqylaý departamenti basshysynyń orynbasary Ásel Qalyqova qalada saýda ortalyqtary, balabaqsha men bilim ortalyqtary qandai jaǵdaida ashylatynyn aitty, dep habarlaidy "Ult aqparat".
«Almaty naýryzdan beri epidemiologiialyq jaǵdaidy baǵalaý matritsasynda «qyzyl» aimaqta. Barlyq shekteý sharasy osyǵan sai engizilip jatyr. Al qalypty jumysqa oralý boiynsha jaýapkershilik turǵyndardyń, bizdiń moinymyzda. Shaǵyn jáne orta biznes nysandarynan koronavirýs taralý indeksi tómendemeiinshe shekteýler alynbaidy», - dedi Ásel Qalyqova.
Al shekteý sharalaryn jeńildetý týraly sheshim qalada táýligine koronavirýs juqtyrǵandar sany azaisa, virýstyń taralý indeksi tómendese ǵana qaralatyny aityldy.
«Biraq virýstyń negizgi taralatyn oryndary qoǵamdyq jerler, saýda ortalyqtary, saýda úileri, basqa da qoǵamdyq tamaqtaý oryndary, sán salondary ekenin kórip otyrmyz. Sondyqtan jaýapkershilik ekijaqty ekenin qaitalap aitqym keledi. Kásipker qyzmetkerlerge de, turǵyndarǵa da normalardy saqtaýǵa jaǵdai jasaýy kerek», - dedi ol.
Aita keteiik, Almaty 10 naýryzdan beri «qyzyl» aimaqta. Karantin sharalary 12 sáýirge deiin uzartyldy.
Qaýlyǵa sáikes, JOO men kolledj stýdentteri, jalpy bilim beretin mektep oqýshylaryn qashyqtan oqytý formatyna aýystyrylady.
Sondai-aq ata-anasynyń ótinishi boiynsha jalpy bilim beretin mektepterdiń 1-5, 9 jáne 11-synyptarda bala sany 15-ke deiin bolatyn kezekshi toptardy qurýǵa ruqsat berilgeni belgili boldy.
