© Photo : Tobias Lindner
Almatyda "Moskva metropolitan" saýda jáne oiyn-saýyq ortalyǵy qorshaýǵa alynyp, arendatorlar men kelýshiler evakýatsiialandy, dep habarlaidy Sputnik Qazaqstan.
Politsiianyń málimetinshe, seisenbi kúni saǵat 16:09-da saýda úiiniń minalanǵany týraly habarlama túsken.
"Birinshi kezekte kelýshiler men ortalyq qyzmetkerleri evakýatsiialandy, jol-patrýldik politsiiasy jasaqtary atalǵan nysanǵa irgeles jatqan joldan kólikterdi basqa baǵytqa burdy", - dep habarlady politsiiadaǵylar.
Ortalyq ákimshiligi keltirilgen qolaisyzdyqtar úshin kelýshilerden keshirim surady.
Politsiia departamenti jedel baqylaý ortalyǵynyń málimetinshe, qazir tekserý is-sharalary aiaqtaldy. Mina qoiylǵany týraly aqparat jalǵan bolyp shyqty. Saýda ortalyǵy qalypty rejimde jumys istep tur, dep habarlady ortalyq ákimshiligi.
Aita keteri, bir apta buryn dál osyndai oqiǵa bolǵan edi, bomba týraly jalǵan habarlamaǵa bailanysty “Moskva metropolitan” saýda ortalyǵynan adamdar evakýatsiialandy. Ol kezde de quqyq qorǵaý organdary ǵimarattan jarylǵysh zat tappady.
