Almatyda burynǵy vitse-ministr Kamaljan Nadyrovpen bailanysta bolǵan sanitarlyq dárigerler koronavirýsqa jappai testileýden ótip jatyr, dep habarlaidy "Ult aqparat".
Qalanyń bas sanitarlyq dárigeri Jandarbek Bekshinniń aitýynsha, búgin qalalyq Taýarlar men qyzmetterdiń sapasy men qaýipsizdigin baqylaý departamentiniń qyzmetkerleri test tapsyrdy.
«QR DSM buiryǵymen ministrlik qyzmetkerleri óńirlerge jiberilgen bolatyn. Onyń ishinde vitse-ministr qyzmetin atqarǵan Kamaljan Nadyrov Qaraǵandy oblysy arqyly Jambyl, Almaty oblystaryna kelgen. Almatyda bir kún bolǵan. Algoritm boiynsha onymen bailanysta bolǵan Taýarlar men qyzmetterdiń sapasy men qaýipsizdigin baqylaý departamentiniń barlyq qyzmetkeri testileýden ótti. Nátijesin kútip otyrmyz», - dedi Jandarbek Bekshin.
Aita ketý kerek, QR DSM vitse-ministri qyzmetinen bosaǵan kúni Kamaljan Nadyrovta koronavirýs infektsiasy bary anyqtaldy.
QR DSM resmi ókili Dias Ahmetsháriptiń aitýynsha, qazir onyń jaǵdaiy qanaǵattanarlyq.
