I Halyqaralyq Almaty Film Festival aiasynda Kann kinofestivaliniń júldesine ie bolǵan «Aika» filmi kórsetiledi, dep habarlaidy QazAqparat.
Qazaqstan halqy kúzde «Aika» filminiń sońǵy nusqasyn birinshi bolyp kóre alady.
«Týyndynyń rejisseri Sergei Dvortsevoi Kann kinofestivalinde filmniń jumys nusqasyn kórsetti. Bul - festivaldyq film, sondyqtan kórermen mundai erekshe dúnieni kórýge daiyn bolýy kerek. Bul, ádettegidei, popkorn ustap, kóńil kóteretin film emes. Kino Máskeýde turatyn qyrǵyz migranttarynyń ómiri týraly. Film qoǵamdaǵy migranttarǵa degen kózqarasty ózgertý úshin, olardyń ómiri týraly oilaný úshin jasalǵan» - deidi «Aika» filminiń prodiýseri Gúlnar Sársenova.
Atalǵan film Qazaqstanda ótetin Almaty Film Festival HKF ashady. 15 qyrkúiekte qazaqstandyqtar arnaiy shaqyrý boiynsha filmdi kóre alady.
Festival Almaty Kúni merekesiniń aiasynda ótedi. Almaty Film Festival-di Astana Film Fund Almaty qalasynyń ákimdigimen birlese uiymdastyryp otyr.
Ol «Mádenietter jaqyndastyǵy» devizimen ótedi. Kinoforým Almatyda kinematografisterdiń halyqaralyq yntymaqtastyǵyn damytýǵa jáne qalaǵa halyqaralyq jobalardy tartýǵa baǵyttalǵan. Bul shara qala imidjin elimizdiń mádeni jáne týristik ortalyǵy retinde halyqaralyq deńgeide kóterýge tamasha múmkindik beredi.
Film alty jyl túsirilgen. Biýdjeti - 2,5 milliona evro. Bul áleýmettik drama - Resei, Qazaqstan, Germaniia, Polsha jáne Qytai elderiniń birlesken ónimi. Qazaqstandyq aktrisa Samal Esliamova osy filmdegi róli úshin 2018 jyldyń 19 mamyrynda Kann kinofestivaliniń «Eń úzdik áiel róli» júldesin jeńip alǵan bolatyn.
