Almatyda kishkentai bala jatqan besikarbany qaǵyp, oqiǵa ornynan qashyp ketken moped mingen kýrer ustaldy, dep habarlaidy "Ult aqparat".
Politsiia departamentiniń baspasóz qyzmeti moped júrgizýshisi 1983 jyly týǵan Almaty qalasynyń turǵyny ekenin habarlady.
«Politsiia qyzmetkerleri moped júrgizýshisin anyqtap, ony ustady. Er adam jazalanýdan qorqyp, apat ornynan qashyp ketken. Osyǵan bailanysty mynany aitqym keledi. Búgingi tańda jańa tehnologiialardyń kómegimen qylmyskerdi de, zańbuzýshyny da tez anyqtaýǵa bolady. Ustalǵan adam Almaly aýdanynyń politsiia basqarmasyna jetkizildi», - deidi Almaty qalalyq PD jergilikti politsiia basqarmasynyń bastyǵy Manap Sattarov.
Eske salaiyq, jol apaty 16 naýryz kúni túski saǵat 13:20-da boldy. Moped júrgizýshisi Tóle bi kóshesimen shyǵys baǵytta kele jatyp, Brýsilovskii kóshesinde ishinde úsh ailyq bala jatqan besikarbaǵa soǵylǵan.
