Foto: Almaty ákimdigi
Almaty ákimi Darhan Satybaldy memorialdyq keshenniń qurylys alańyna baryp, nysannyń qazirgi ahýalymen tanysty, dep habarlaidy Ult.kz.
Jańa keshen zamanaýi mádeni keńistikke ainalyp, tarihi murany saqtaý simvoly bolmaq.
Keshen quramyna batyrlar murajaiy, qainar sý kózi, ziiaratshylarǵa arnalǵan bólmeler, ákimshilik ǵimarat jáne dini rásimderge arnalǵan aimaqtar kiredi. Sondai-aq XVIII ǵasyrdaǵy jaýyngerlik qarý-jaraqtyń qaita jasalǵan úlgileri usynylatyn ekspozitsiia uiymdastyrylady.
«Jyl sońyna deiin murajaidyń qurylysy men abattandyrýdy tolyq aiaqtaý qajet. Jumystar sapaly ári ýaqytyly oryndalýǵa tiis», – dep atap ótti Darhan Satybaldy.
Raiymbek batyr mavzoleii – Qazaqstannyń kieli oryndar kartasyna engen, jalpyulttyq mańyzy bar nysan. Qaita jańǵyrtý aiaqtalǵannan keiin munda uly qolbasshynyń ómiri men erligin baiandaityn zamanaýi ekspozitsiia ashylady.
