Almatyda iesiz ǵimarat mańynan qarý-jaraq salynǵan kúmándi qap tabyldy, dep habarlaidy ult.kz.
Almaty qalasynyń Túrksib aýdanynda ornalasqan jeke sektorlardyń birinde turǵyndardy alańdatqan oqiǵa tirkeldi. Iesiz qalǵan ǵimarattyń mańynan tabylǵan kúmándi qaptyń ishinde qarý-jaraq bolǵany anyqtaldy
Politsiia qyzmetkerleri oqiǵa ornyna jedel jetip, qapqa tekserý júrgizgen. Onyń ishinen «Saiga» oiyq uńǵyly karabinine uqsas qarý, oǵan arnalǵan 10 oq-dári, sondai-aq tapansha men oǵan tiesili 4 patron tabylyp, tárkilendi.
Quqyq qorǵaý organdarynyń málimetinshe, barlyq qarý men oq-dáriler sot-ballistikalyq saraptamaǵa joldanǵan. Saraptama nátijesinde olardyń tehnikalyq sipattamasy men qoldanylý múmkindigi anyqtalady.
Qazirgi ýaqytta tártip saqshylary tárkilengen qarýdyń iesin anyqtaý jumystaryn júrgizip jatyr. Sonymen qatar, onyń buryn qandai da bir qylmystyq oqiǵalarda paidalanylǵan-paidalanylmaǵany jáne ne sebepti iesiz ǵimarat mańyna tastalǵany tekserilýde.
Atalǵan derek boiynsha keshendi jedel-izdestirý jáne tergeý sharalary jalǵasyp jatyr. Politsiia oqiǵanyń barlyq mán-jaiyn anyqtaýǵa baǵyttalǵan jumystar júrgizip jatqanyn málimdedi.
