Almatyda partiiaishilik praimeriz qatysýshylarynyń ashyq pikirtalasy bastaldy, dep habarlaidy "Ult aqparat".
Nur Otan partiiasy Almaty qalalyq filialynyń baspasóz qyzmetiniń habarlaýynsha, búgin partiianyń 8 aýdandyq filialynda jariia pikirtalas ótkiziledi. Loto qaǵidaty boiynsha jańa formatta ótkizilgen jerebege sáikes debatqa qatysýshylar toptarǵa bólindi.
«Almatyda pikirsaiysty ótkizýdiń belgilengen erejelerinen basqa, uiymdastyrýshylar áleýmettik jeliler arqyly qala turǵyndarynan ózekti suraqtar qoiý múmkindigin qarastyrǵanyn atap ótken jón. Ol úshin qala turǵyndary Nur Otan partiiasy Almaty qalalyq filialynyń resmi akkaýnttarynda nemese aýdandyq filialdarda óz suraqtaryn jazýy qajet. Osylaisha, mundai tásil halyqqa kandidattardan azamattyq qoǵamnyń ózekti máselelerin iske asyrý boiynsha olardyń pikirlerin tyńdaýǵa múmkindik beredi», - dep habarlady Nur Otan partiiasy Almaty qalalyq filialynyń baspasóz qyzmeti.
Nur Otan partiiasy Almaty qalalyq filialy tóraǵasynyń birinshi orynbasary Stanislav Kankýrovtyń aitýynsha, praimeriz ashyqtyq qaǵidaty boiynsha ótýde. Tek myqtylar men laiyqty adamdar ǵana partiialyq tizimge enedi.
Aita keteiik, Almaty shaǵyn jáne orta biznes sýbektileri men úkimettik emes uiymdar ókilderiniń sany boiynsha kósh bastap tur.
Shaǵyn jáne orta biznes sektory praimerizge qatysýshylardyń 50%-yn jáne 10%-dan astamyn ÚEU quraidy.
Almaty qalasy boiynsha pikirsaiysqa barlyǵy 225 kandidat qatysady.
