Almatyda politsiia kóliginiń janynda arandatýshylyq sipattaǵy beinejazba túsirip, ony áleýmettik jelige jariialaǵan 43 jastaǵy er adam ustaldy, dep habarlaidy ult.kz.
Beinejazbada er adamnyń politsiia kóliginiń syrtynan aq untaq salynǵan oramany kórsetip, qoǵamdyq orynda balaǵat sózder aitqany kórinedi. Video áleýmettik jelilerde keńinen taraǵan.
Bul jaǵdai Almaty qalasy politsiia departamentiniń nazaryna ilikken. Tártip saqshylary beinejazba avtorynyń jeke basyn anyqtap, ony Medeý aýdandyq politsiia basqarmasyna jetkizdi.
Politsiianyń málimetinshe, ustalǵan er adam buǵan deiin sottalǵan 43 jastaǵy jergilikti turǵyn.
– Beinejazba avtory ustaldy. Yqtimal esirtki qylmysy boiynsha qylmystyq is qozǵaldy, – dep habarlady Almaty qalasy politsiia departamentiniń baspasóz qyzmeti.
Sonymen qatar er adam usaq buzaqylyq jasaǵany úshin ákimshilik jaýapkershilikke tartyldy. Ákimshilik materialdar sotqa joldanǵan.
Qazir politseiler beinejazbada kórsetilgen zattyń shyǵý tegin, quramyn jáne mólsherin anyqtap jatyr.
