Almatyda turǵyndardyń páterlerin tonaǵan ury kolǵa tústi, dep habarlaidy QazAqparat tilshisi.
Kúdikti Almaty oblysynyń 30 jastaǵy turǵyny bolyp shyqty.
"Politsiiaǵa qala turǵyndarynan páterleriniń tonalǵany týraly birden birneshe aryz tústi. «Shaqyrylmaǵan qonaqtar» negizinen altyn buiymdar men aqsha urlaǵan. Páterler tek bir tásilmen jáne tek kúndizgi ýaqytta ashylǵan. Izdestirý jumystary júrgizildi. Páter urlyǵyn jasady degen kúdikpen buryn birneshe ret sottalǵan, qulyptardy ashatyn quraldary bar er adam ustaldy", - dedi Almaty qalasy Politsiia departamenti Kriminaldyq politsiia basqarmasynyń bastyǵy Qýatbek Naýatov.
Qazirgi ýaqytta kúdiktiniń páter urlyǵynyń 4 oqiǵaǵa qatysy bar ekeni anyqtalyp, ýaqytsha ustaý izoliatoryna qamaldy. Atalǵan faktiler boiynsha QR QK 188-baby (urlyq) boiynsha tergeý júrgizilýde.
