Almatyda páter urlyǵymen ainalysatyn top ustaldy, dep habarlaidy "Ult aqparat".
Almatylyq politseiler páter urylaryn ustaý boiynsha arnaiy is-shara júrgizdi.
Páter tonaýshylar «Aqbulaq» yqshamaýdanyndaǵy úilerdiń birinde bolǵan urlyqtan keiin ustaldy.
«Bul toptyń quramyna Almaty men Túrkistan oblystarynyń 32 jastan 36 jas aralyǵyndaǵy tórt er adam kiredi. Olar kiltti tańdaý arqyly «Aqbulaq» yqshamaýdanynda ornalasqan úilerdiń birine kirip, sol jerden quny 500 myń teńgeden asatyn múlikti qoldy etti. Urlanǵan zattardy, taýardy jáne aqshany tergeý-jedel toby tárkiledi jáne QR QK-niń 188-baby 3-bóligi boiynsha sotqa deiingi tergeýdiń biryńǵai reestrine tirkelgen qylmystyq is materialdaryna tirkedi», - dedi Almaty qalalyq Politsiia departamenti Kriminaldyq politsiia basqarmasynyń bastyǵy Qýatbek Naýatov.
Sonymen qatar, olardyń Almaly jáne Bostandyq aýdandarynyń aýmaǵynda osyǵan uqsas taǵy úsh urlyqqa qatysy bary anyqtaldy.
Kúdiktiler ýaqytsha ustaý izoliatoryna qamaldy.
