Almatyda ózine qol jumsaǵan tárbieshi kóp balaly ana bolyp shyqty.
Ratel.kz málimeti boiynsha, 28 jeltoqsanda ol asylyp qalǵan. Onyń máiiti jýynatyn bólmeden tabyldy. Denesinde zorlyq belgileri joq. Artynan hat jazyp qaldyrmaǵan. Quqyq qorǵaý organdary isti tergep jatyr, dep habarlaidy Sputnik Qazaqstan.
Esterińizge sala keteiik, Almatyda búldirshinderge qol kóterdi degen kúdikke ilingen tárbieshi ózine qol jumsap, kóz jumdy.
Qazirgi kúni Jetisý aýdandyq porlitsiia bólimi Qylmystyq kodekstiń 105-baby "Óz-ózine qol jumsaýǵa jetkizý" boiynsha sotqa deiingi tergeýdi bastady.
Bul bap boiynsha 3 jyldan 8 jylǵa deiin bas bostandyǵynan aiyrý jazasy qarastyrylǵan.
Buǵan deiin áleýmettik jelide áieldiń (tárbieshi bolýy múmkin) balabaqshada balalardy urǵan sáti túsirilgen video tarady.
"Erin jarylǵan. Oqtaýmen urǵannan deneleri kógerip ketken, qulaqtary men shashynan julǵan. Bul ózi balabaqsha ma? (...) Balalardy senip tapsyrǵan tárbieshi olardy azaptap jatyr. Osydan keiin ózge tárbieshilerge, jalpy balabaqshaǵa degen senim joǵalady", - dep jazylǵan videonyń astynda.
Ata-analar otyrǵan chatqa tárbieshi baiqamai beinejazbany ózi salyp jibergen. Balalardy aialy alaqanymen emes, toqpaqpen tárbielegisi kelgen áielge qatysty qylmystyq is qozǵalǵan bolatyn.
