Ońtústik astanamyzda ótken 28-shi Búkilálemdik qysqy Ýniversiada oiyndary resmi túrde jabyq dep jariialandy, - dep habarlaidy "Ult aqparat".
Qorytyndy sóz Qazaqstan Respýblikasynyń premer-ministri Baqytjan Saǵyntaevqa berildi. Ol biýdjet qarajatyn únemdelse de, 28-shi Qysqy Ýniversiadanyń joǵary deńgeide ótkenin atap ótti. Sondai-aq úkimet basshysy oiyndardy milliardtan asa telekórermen men jankúierdiń qaraǵany jaily málimet keltirdi. "Qazaqstan komandasynyń jetistigin erekshe atap ótkim keledi. Sizderdiń jeńisterińizben maqtanamyz, barlyǵyńyzdy quttyqtaimyz", - dedi Saǵyntaev.
Halyqaralyq stýdentter sporty federatsiiasynyń basshysy Oleg Matytsin bolsa, Ýniversiadanyń tarihynda buryn-sońdy zalǵa lyq tolǵan halyqty kórmegendigin qýanyshpen jetkizdi.
«Qaiyrly kesh Almaty! FISU halyqaralyq stýdentter sporty federatsiiasynyń atynan qysqy Ýniversiadany joǵary deńgeide ótkizgeni úshin QR Prezidenti Nursultan Nazarbaevqa jáne uiymdastyrýǵa atsalysqan barsha halyqqa rizashylyǵymdy bildirgim keledi. Almaty qalasynyń ákimi Baýyrjan Baibekke jáne sport súier qaýymǵa alǵysym sheksiz. Sportshylar men eriktilerge qoldaý tanytqandaryńyz úshin rahmet deimin. Ýniversiadanyń tarihynda buryn-sońdy zalǵa lyq tolǵan osynshama kórermendi kórmegenmin. Bul, árine sizderdiń sportqa degen ynta-jigerlerińizdiń joǵary ekendiginiń aiqyn dáleli. Úlken rahmet!», - dedi ol jabylý saltanatynda.
Sondai-aq, ol sportshylar men uiymdastyrýshylardyń básekege qabilettiliginiń joǵary ekendigin tilge tiek etti.
«Sportshylar men uiymdastyrýshylardyń básekege qabilettiligi qysqy Ýniversiadanyń mártebesin joǵarylatty, Almaty men Qazaqstanǵa óz paidasyn berdi. Meniń oiymsha, bul oiynda eshkim jeńilgen joq. Almatyda ótken qysqy Ýniversiada-2017 barshamyzdyń úlken tájiribe jinaqtaýymyzǵa múmkindik berdi. Bul jerde qanshama dos taptyq. Endeshe, barlyqtaryńyzdy aitýly dodanyń jabylý saltanatymen quttyqtaimyn. Sizderdi 2019 jyly Krasnoiarskide ótetin qysqy Ýniversiadada asyǵa kútemin. 28-shi Búkilálemdik qysqy Ýniversiadany resmi túrde jabyq dep jariialaimyn!», - dep túiindedi óz sózin Oleg Matytsin.
Shara barysynda Ońtústik astana Halyqaralyq stýdentter sporty federatsiiasynyń (FISU) alaýyn oiyndardy 2019 jyly kútip alatyn Krasnoiarǵa ótkizdi.
Al, Almaty ákimi Baýyrjan Baibek Krasnoiarǵa Ýniversiadany 2019 jyly laiyqty deńgeide ótkizýdi tilep, tájiribe bólisýge ýáde berdi.
Eske salaiyq, Ýniversialanyń medaldar esebinde Qazaqstan 36 medalmen ekinshi oryn aldy - 11 altyn, 8 kúmis jáne 17 qola medaldar. Birinshi oryndy 29 altyn, 27 kúmis jáne 15 qola medal jeńip alǵan Resei quramasy aldy.
