Almatyda 1 qyrkúiekten beri 74 myńnan astam adam ORVI-ge (jedel respiratorlyq virýs infektsiiasy) shaldyqqan. Bul byltyrǵy jyldyń dál osy kezeńimen salystyrǵanda 4 ese kóp. Bul jóninde qalalyq SES basshylaryna súiengen Vlast saity jazdy, dep habarlaidy Azattyq.
Almaty qalasynyń sanitarlyq-epidemiologiialyq baqylaý departamenti jetekshisiniń orynbasary Sádýaqas Baiǵabylovtyń aitýynsha, biyl kúzde tynys aýrýlaryna shaldyqqandar kúrt kóbeigen. 1 qyrkúiekten beri 74 426 adam ORVI-ge shaldyqsa, byltyr osy ýaqyt aralyǵynda 17 731 adam atalǵan aýrýmen aýyrǵan. Maman ORVI adamdardyń koronavirýspen kúresýin qiyndatatynyn aityp, saqtyq sharalaryn oryndaýǵa úndegen. Onyń aitýynsha, koronavirýs keide ORVI retinde kelýi múmkin.
SES ókili Almatyda tumaý tirkelmegenin, oǵan qarsy vaktsina 105 myń adamǵa egilgenin aitqan. Ekpe alǵandardyń kóbi biýdjet esebinen vaktsina saldyrǵan.
ORVI nemese jedel respiratorlyq virýs infektsiiasy – tynys organdarynyń infektsiialyq aýrýlar toby. Oǵan shaldyqqan adamnyń dene qyzýy kóterilip, tamaǵy aýyrady, jótelip, tumaýrap, kózinen jas aǵady.
