Búgin QR Premer-Ministriniń orynbasary Eraly Toǵjanov «MedInvestGrýpp Qazaqstan» kompaniiasynyń qoldaýymen ashylǵan Iadrolyq meditsina ortalyǵyna bardy, dep habarlaidy primeminister.kz.
Bul - elimizdegi alǵashqy osyndai innovatsiialyq meditsinalyq ortalyq, onyń qyzmeti onkologiialyq aýrýlardy diagnostikalaýǵa baǵyttalǵan.
Ortalyqta meditsinalyq kómektiń kepildik berilgen kólemi sheńberinde barlyq qazaqstandyqtarǵa tegin jáne qoljetimdi zertteýler júrgiziledi.
Iadrolyq meditsina ortalyǵy onkologiialyq patologiialardy erte anyqtaý úshin eń zamanaýi jabdyqtarmen jabdyqtalǵan.
Joǵary tehnologiialyq PET skaneri – Biograph Horizon, Siemens pozitrondy-emissiialyq jáne kompiýterlik tomografiia múmkindikterin biriktiredi. Zertteý isiktiń qurylymy men fýnktsionaldyq erekshelikterin molekýlalyq deńgeide baǵalaýǵa múmkindik beredi.
Bul ádis eń kishkentai oshaqtardy anyqtaýǵa jáne neoplazmalardyń ornalasýy men shekaralary týraly naqty málimettermen adam aǵzasynyń úsh ólshemdi beinesin alýǵa múmkindik beredi.
Vitse-premer ortalyqtyń múmkindikterimen tanysyp, PET/KT diagnostikasy onkologiialyq aýrýlarmen kúresýdiń mańyzdy quraldarynyń biri ekenin atap ótti.
«Innovatsiialyq zertteýler patsienttiń jaǵdaiy týraly naqty aqparat alýǵa múmkindik beredi. Bul aýrýdy naqtylaý kezeńinde de, emdeý kezeńinde de mańyzdy. Eń zamanaýi apparatýramen jabdyqtalǵan meditsinalyq ortalyqtar Qazaqstan azamattarynyń densaýlyǵyn saqtaý jáne ómir súrý uzaqtyǵyn arttyrý úshin óte mańyzdy», — dedi Toǵjanov.
«MedInvestGrýpp Qazaqstan» kompaniiasy satyp alǵan jáne Almaty qalasynyń iadrolyq meditsina ortalyǵynda paidalanylatyn apparatýra dárigerlerge jylyna 7 000 patsientti qabyldaýǵa múmkindik beredi.
Bul emdeý men diagnostikaǵa muqtaj qazaqstandyqtarǵa zertteýlerdiń kúrdeli rásimin kútý merzimin aitarlyqtai qysqartýǵa kómektesedi.
Osyndai ortalyqtar jaqyn arada Oral, Shymkent jáne Qaraǵandy qalalarynda MIG Qazaqstan investitsiialyq kompaniiasymen memlekettik-jekemenshik áriptestik aiasynda ashylady.
