video kadry
Almatyda "oligarhtardyń balalary" bastaǵan tóbeles tergelip jatyr, - dep habarlaidy "Ult aqparat" QR IIM telegram-kanalyna silteme jasap.
"Atalǵan derek QR Qylmystyq kodeksiniń 293-babynyń 2-bóligi boiynsha sotqa deiingi tergep-tekserýdiń biryńǵai tizilimine tirkeldi. Tóbeleske qatysýshylar anyqtaldy jáne olardan jaýap alyndy.
Qaqtyǵysqa qatysýshylardyń alǵan jaraqattary men qylmystyń aýyrlyǵyn anyqtaý úshin sot-meditsinalyq saraptamalar taǵaiyndaldy.
Qylmystyq isti Almaty qalalyq politsiia departamentiniń tergeý bólimi júrgizip jatyr", - delingen habarlamada.
Aita keteiik, áleýmettik jelide Almatydaǵy karaoke-barlardyń birinde bolǵan tóbelestiń videosy tarady. Jeli qoldanýshylarynyń aitýynsha, tóbeleske sebepshi bolǵandar - Qazaqstandaǵy tanymal biznesmenderdiń uldary men olardyń oqqaǵarlary.
