Ortalyq qalalyq klinikalyq aýrýhana dárigerleri ókpesiniń 88 paiyzy zaqymdanǵan syrqatty emdep shyǵardy.
Koronavirýs infektsiiasy saldarynan 59 jastaǵy patsient ózdiginen tynys alý qabiletinen aiyrylǵan. Bul týraly «Áleýmettik meditsinalyq saqtandyrý qory» KEAQ Almaty qalalyq filialy habarlady.
Almatylyq Vladimir Shestakov qaýipti virýspen bir aidan astam ýaqyt kúresti. Eki ókpesi birdei qabynǵan naýqas eki apta boiy jansaqtaý bóliminde jatty.
«Naýqastyń qyzy Olga Chistiakova Meditsinalyq saqtandyrý qorynyń Qoldau 24/7 mobildi qosymshasy arqyly aýrýhana dárigerlerine alǵys joldapty. Jyldyń basynda iske qosylǵan qosymsha halyq arasynda úlken suranysqa ie bola bastady. Azamattar Qoldau 24/7 arqyly shaǵym ǵana emes, emdegen dárigerler men meditsina mekemesi atyna alǵys joldai alady. Jyl basynan beri qosymsha arqyly 700-ge jýyq alǵys hat kelip tústi», - deidi filial basshysy Tileýhan Ábildaev.
Olganyń aitýynsha, ákesi biylǵy jyldyń 25 maýsymynda syrqattanǵan. Bastapqyda dárigerler oǵan ótkir respiratorlyq virýstyq infektsiia degen diagnoz qoiǵan. Biraq taǵaiyndalǵan emnen paida bolmaǵan soń, kompiýterlik tomografiia jasalǵan. KT nátijesi ókpeniń 88% astamy zaqymdanǵanyn rastasa, PTR test syrqattyń COVID-19 virýsyn juqtyrǵanyn anyqtap berdi.
«Ákemdi birden IIM gospitaline jatqyzdy. Biraq beti beri qarai qoimaǵan soń, Ortalyq qalalyq klinikalyq aýrýhanaǵa aýystyrý týraly sheshim qabyldandy. Aýrýhana dárigerleri ákemdi emdep jazamyz degen sózinde turdy. 28 maýsymda óz aiaǵymen aýrýhanadan shyqty. Ortalyq qalalyq klinikalyq aýrýhanada altyn qoldy dárigerler jumys isteidi. Solardyń bilimi men biliktiliginiń arqasynda ákem aýyr naýqastan qulan-taza aiyqty», - dep jazdy alǵys bildirgen Olga Chistiakova.
Emdeýshi dáriger Myńjan Meńlibekovtiń aitýynsha, patsient OQK aýrýhanaǵa aýyr halde túsken.
«Koronavirýs infektsiiasyn juqtyrǵan patsienttiń ókpesi zaqymdanyp, virýsty pnevmoniiaǵa shaldyqqan. Bul patsienttiń ókpesi ottegi apparatyna qosqanǵa deiin 97 protsentke deiin zaqymdanyp úlgerdi. Birden tiisti dári-dármekter berdik, ottegige qosqannan keiin jaǵdaiy edáýir jaqsardy», - deidi M.Meńlibekov.
Filial málimetinshe, 3 naýryz ben 28 shilde aralyǵynda Almaty qalasy boiynsha koronavirýs infektsiiasyna qarsy kúreske 26 meditsina mekemesi jumyldyrylǵan. Onyń 21-i – infektsiialyq statsionar, 17-si – provizorlyq, 1 – kantindik statsionar. Osy ýaqyt aralyǵynda atalǵan aýrýhanalardan 29 667 adam emdelip shyqqan. Oǵan 3,2 mlrd teńgeden astam qarajat jumsaldy.
