Foto: Offside.kz
Shymkent qalasynyń ákimi Darhan Satybaldy jumys sapary aiasynda birqatar sport nysandaryn aralap, olardyń jai-kúiimen tanysty. Ol Ortalyq stadion, Balýan Sholaq atyndaǵy sport saraiy jáne sportqa daryndy balalarǵa arnalǵan mektep-internatty kórip shyqty, dep habarlaidy Ult.kz.
1958 jyly salynǵan Ortalyq stadionnyń infraqurylymy ábden tozǵan. Ákim nysandy zaman talabyna sai jańǵyrtýdy, jaiaý júrginshilerge arnalǵan joldardy qalpyna keltirýdi jáne elektrondy bilet júiesin engizýdi tapsyrdy. Bul rette stadion M. Áýezov atyndaǵy teatr men Qazaq tsirkine jaqyn ornalasqandyqtan, qoljetimdilik pen qaýipsizdik máselesi basty nazarda bolady.
Sport saraiynda Darhan Satybaldy sportshylar men turǵyndar úshin jattyǵýǵa, jarystar ótkizýge yńǵaily jaǵdai jasaýdyń mańyzdylyǵyn atap ótti.
1935 jyly salynǵan, 19 olimpiadalyq sport túrine arnalǵan mektep-internattyń eski ǵimaraty tolyǵymen súrilip, onyń ornyna jańa zamanaýi keshen boi kótermek. Qurylysty 2025 jyldyń kúzine deiin aiaqtaý josparlanyp otyr.
Ákim barlyq jobalaý jáne qurylys jumystarynyń qaýipsizdik normalaryn saqtai otyryp, sapaly jáne jedel júzege asyrylýyn mindettedi.
