Almatyda ózine qol salǵan himiia-biologiia baǵytyndaǵy Nazarbaev ziiatkerlik mektebiniń oqýshysy qaitys boldy. Qalanyń politsiia departamenti sýitsid bolǵanyn rastady, dep habarlaidy Sputnik Qazaqstan.
Qaiǵyly oqiǵa 27 qazanda bolǵan. Al mektep munyń sabaqtan tys ýaqytta bolǵanyn habarlady.
Messendjerde taraǵan aqparatqa sáikes, 8-synyp oqýshysy mundai áreketke mektep psihologymen bolǵan áńgimeden keiin barǵan.
Politsiia departamenti oqýshy óz úiiniń 11-qabatynan sekirip ketkenin rastady.
Bul fakti Bostandyq aýdanynyń politsiia basqarmasynda qylmystyq kodekstiń 105-baby ("ózin-ózi óltirýge deiin jetkizý") boiynsha sotqa deiingi tergep-tekserýdiń biryńǵai tiziminde tirkeldi.
"Bolǵan oqiǵanyń sebebi men mán-jaiy is júrgizý barysynda anyqtalady. Sot-meditsinalyq saraptama taǵaiyndaldy", - dep habarlady politsiianyń baspasóz qyzmeti.
Messendjerde taraǵan aqparatqa sáikes, sársenbide oqýshy Garri Poter stilinde kiingen, ol ázil úshin beldemshe taqqan. Oǵan kýratory daýys kóterip, kúshtep psihologqa aparǵan. Bala psihologpen áńgimeden keiin terezeden sekirip ketken.
Nazarbaev ziiatkerlik mektebiniń ákimshiligi de oqýshynyń sýitsid jasaǵanyn rastady. Alaida oqýshy men psihologqa qatysty jaǵdaiǵa qatysty pikir bildirmedi.
"Nazarbaev ziiatkerlik mektep ákimshiligi 2021 jyldyń 27 qazanynda oqýshy oqýdan tys kezinde jazataiym jaǵdaiǵa ushyraǵanyn rastaidy. Qazirgi ýaqytta tergeý amaldary júrgizilip jatyr", - dep habarlady mekteptiń baspasóz qyzmeti.
Sondai-aq kámeletke tolmaǵan balanyń jáne bastalǵan tergeýdiń múddesi úshin mektep qosymsha aqparatty bere almaitynyn jetkizdi.
