Almatyda Naýryz jáne basqa da merekelik korporativterdi uiymdastyrýǵa jáne ótkizýge tyiym salyndy. Bul týraly qalanyń bas sanitarlyq dárigeri Jandarbek Bekshinniń koronavirýstyń aldyn alý sharalaryn kúsheitý týraly jańa qaýlysynda aitylǵan, dep habarlaidy "Ult aqparat".
Jańa qaýlyǵa sáikes, Almatyda toptyq is-sharalardy, kórmelerdi, forýmdardy, konferentsiialardy, sondai-aq otbasylyq is-sharalardy (banketter, úilený toilar, mereitoilar, eske alý) nysandar men úilerde ótkizýge tyiym saqtalady.
Budan bólek, Naýryz jáne basqa da merekelik korporativterdi uiymdastyrýǵa jáne ótkizýge ruqsat joq.
Qyzmeti ruqsat etilmegen obektilerge barýǵa tyiym salynady. Bul – boýling ortalyqtary, kompiýter klýbtary («Ashyq» pilottyq jobasyna qatysatyn obektilerdi qospaǵanda), biliard, karaoke, batýttar, túngi klýbtar, býkmekerlik keńseler, loto jáne oiyn klýbtary, jabyq úi-jailardaǵy oiyn alańdary men attraktsiondar, onyń ishinde sport obektilerinde ornalasqandardy qospaǵanda, muz jáne rolikti muz aidyndary.
Saýda, oiyn-saýyq ortalyqtary men bazarlar senbi jáne jeksenbiden basqa kúnderi ádettegi rejimde jumys isteidi. Eki kún demalysta jabyq bazarlardyń qyzmeti toqtatylady.
Ashyq bazarlar (azyq-túlik jáne azyq-túliktik emes) tek jeksenbi jabyq bolady.
Sýpermarketter men gipermarketter saǵat 06.00-02.00 aralyǵynda jumys isteidi.
Sonymen qatar, qalada dámhanalar jumysyna shekteý jasaldy.
Qoǵamdyq kólikterge, taksilerge, metroda, áýejailarda, temirjol jáne avtovokzaldarda, aýladaǵy balalar alańdaryna, azyq-túlik jáne azyq-túlik emes bazarlarda jáne basqa da qoǵamdyq oryndarda sanitarlyq-dezinfektsiialyq óńdeý júrgizý júktelip otyr.
Sondai-aq offlain rejiminde jinalystar (keńester) ótkizýge tyiym bar.
Atap ótilgendei, koronavirýs infektsiiasynyń jeńil nemese ortasha jáne simptomsyz túrimen aýyratyn naýqastardyń úi karantinin saqtaý múmkindikteri bolmasa aýrýhanaǵa jatqyzylady.
Qaýly 2021 jylǵy 13 naýryzda kúshine enedi.
