Almatyda naýqasty aýrýhanaǵa alyp kele jatqan jedel járdem kóligi aýdarylyp, feldsher men naýqas zardap shekti, dep habarlaidy "Ult aqparat".
Jol-kólik oqiǵasy Qulja tasjolynyń boiynda áýejaiǵa baratyn jolda bolǵan.
Kýágerlerdiń aitýynsha, naýqasty úiinen alyp ketken jedel járdem kóligi ońtústik baǵytta arnaiy jolaqpen dabylyn qosyp kele jatqan. Sheńberge jetken tusta keptelisten shyǵýdy oilaǵan Lexus GS 300 markaly avtomobildiń júrgizýshisi arnaiy jolaqpen júrip, jedel járdem kóligin soqqan, sonyń saldarynan dárigerler otyrǵan kólik aýdaryldy.
Almaty qalalyq qoǵamdyq densaýlyq saqtaý basqarmasynyń habarlaýynsha, №4 balalar klinikalyq aýrýhanasyna feldsher, bala jáne onyń anasy jetkizildi. Olar jedel-járdem kóligimen juqpaly aýrýlar aýrýhanasyna «JRVI» diagnozymen ketip bara jatqan bolatyn.
«Jolaýshyǵa jumsaq tinderdiń jaraqaty, keýde qýysynyń jabyq jaraqaty diagnozy qoiyldy. Ol ambýlatoriialyq emdelýge jiberildi. Feldsherdiń beti syrylǵan, kógergen ol da ambýlatoriialyq em qabyldaýǵa jiberildi. 9 ailyq náresteni Balalarǵa jedel meditsinalyq kómek kórsetý ortalyǵyna apardy, onda ony kópsalaly brigada tekserip shyqty. Balada bas súiek mi jaraqaty joq. Sondyqtan, jedel respiratorly virýstyq infektsiia diagnozymen juqpaly aýrýlar aýrýhanasyna jetkizildi», - dep habarlady basqarmadan.
