Almaty qalasy Taýarlar men qyzmetterdiń sapasyn baqylaý departamentiniń basshysy Aizat Moldaqasymova koronavirýske shaldyǵýdyń jańadan anyqtalǵan jaǵdailary týraly aitty, - dep habarlaidy "Ult aqparat".
Aita keteiik, 9 sáýirdiń osy ýaqytyna deiin Qazaqstanda indetti jańadan juqtyrǵan 37 adam tirkeldi. Onyń ishinde 2 adam Almaty qalasynda anyqtaldy.
«Koronavirýs juqtyrǵan sońǵy 2 naýqasqa keler bolsaq, bir adam Sankt-Peterbýrgten kelgen naýqaspen bailanysta bolǵan. Ekinshisi de aýyrǵan adammen qarym-qatynas jasaǵan. Búgingi kúni qalada statsionarlyq karantinde 877 naýqas, úidegi karantinde 5 217 adam bar. Juqpaly aýrýlar aýrýhanasynda 211 adam, provizorlyq statsionarda 301 adam, karantin gospitalinde 388 adam jatyr», - dedi Aizat Moldaqasymova onlain-brifing barysynda.
Sonymen qatar, ol Almatyda karantin rejimi engizilgennen beri koronavirýsty juqtyrý sany tómendegenin atap ótti.
Sońǵy resmi derekterge sáikes, Almatyda COVID-19 juqtyrǵandardyń sany - 121.
