Almaty qalasynyń ákimi Baqytjan Saǵyntaev muqtaj jandarǵa qoldaý kórsetip júrgen kásipkerler men qarapaiym qala turǵyndaryna alǵys aitty, dep habarlaidy "Ult aqparat".
«Muqtaj jandarǵa qoldaý kórsetip júrgen kásipkerler men qarapaiym qala turǵyndaryna alǵys aitamyn. «Jańa Alataý» qorynyń arnaiy esebine 257 mln-nan astam demeýshilik qarajat tústi. Búginde sonyń 136 mln teńgesine kómek kórsetildi. Soǵys ardagerlerine, 1-3 toptaǵy múgedekterge, az qamtylǵan jáne kópbalaly, sondai-aq jalǵyzbasty analarǵa 12 myń azyq-túlik sebeti jetkizildi. Arnaiy mektepter, internattar men balalar úilerine azyq-túlik jáne zalalsyzdandyrý quraldary berildi»,– dep jazdy qala ákimi Instagram-daǵy paraqshasynda.
Sondai-aq ol, Almatyda sanitarlyq qaýipsizdikti saqtaý boiynsha arnaiy daiyndyqtan ótken 100 erikti jumys istep jatqanyn atap ótti.
«Almatyda sanitarlyq qaýipsizdikti saqtaý boiynsha arnaiy daiyndyqtan ótken 100 erikti jumys isteidi. 16 naýryzdan bastap shamamen 18 myń ótinish qaraldy. Olar muqtajdarǵa beriletin azyq-túlik jiyntyqtaryn, dári-dármekter men birinshi qajettiliktegi zattardy ólshep, oraýǵa, ony jetkizýge kómektesedi. Sondai-aq, aqparattyq-keńes berý boiynsha da qoldaý kórsetiledi. Bizdi alǵa jeteleitin úmit pen senim. Qalamyzdyń qarapaiym turǵyndary sol úmit otyn jaǵyp, qiyndyqty eńserýge kómektesip júr», - dep tolyqtyrdy ol.
