Almatyda moped mingen kýrer eki balany qaǵyp ketti, - dep habarlaidy Tengrinews.kz.
Oqiǵa 22 qyrkúiek kúndiz "Jas qanat" shaǵynaýdanynda bolǵan.
"Oqiǵa men kólikti aýlaǵa qoiyp, kólikten túsip jatqan kezde boldy. Eki bala kenet joldy kesip ótti. Mototsiklshi jyldamdyqpen kele jatqan. Soqtyǵysqannan keiin balalardyń biriniń anasy keldi. Ekinshi ata-anasy jumysta bolǵan, oǵan ájesi qarap jatyr, es-tússiz, biraq dem alyp jatyr", - dedi oqiǵanyń kýágeri.
Kýágerlerdiń aitýynsha, kýrerde tamaq jetkizýge arnalǵan sómke bolǵan.
Qalalyq politseilerdiń málimetinshe, balalardy saǵat 16:35 shamasynda Baimaǵambetov kóshesinde basyp ketken.
"Rio saiabaǵynda moped aidap kele jatqan júrgizýshi soltústik baǵytta kele jatyp, №185 úidiń janynda 2016 jáne 2017 jyly týylǵan eki jasóspirim jaiaý júrginshini qaǵyp ketken. Jol apatynan eki bala da zardap shekti. Olar meditsinalyq tekserýden ótý úshin qalalyq aýrýhanalardyń birine jetkizildi. Bul derekti Túrksib aýdanynyń politsiia basqarmasynyń qyzmetkerleri óndiriske aldy. Tergeý aiasynda tiisti saraptamalar taǵaiyndalady", - dedi Almaty qalalyq IID anyqtaý basqarmasynyń basshysy Oljas Sháripov.
