Almatyda moped mingen kýrer kishkentai bala jatqan arbany qaǵyp, oqiǵa ornynan qashyp ketti, dep habarlaidy "Ult aqparat".
Oqiǵanyń videosy áleýmettik jelide tarady.
Almaty qalasy Politsiia departamentiniń málemetinshe, 16 naýryz kúni túski saǵat 13.20-da Moped júrgizýshisi Tóle bi kóshesimen shyǵys baǵytta kele jatyp, Brýsilovskii kóshesinde ishinde úsh ailyq bala jatqan arbaǵa soǵylǵan.
«Saldarynan bala zardap shekken. Ol balalar aýrýhanasyna jetkizildi. Moped júrgizýshisi oqiǵa ornynan qashyp ketken. Búginde ony izdeýmen izdestirý bóliminiń qyzmetkeri ainalysyp jatyr. Jol-kólik oqiǵasy Almaly aýdandyq politsiia basqarmasynda tergelip jatyr», - dedi Almaty qalasy PD anyqtaý basqarmasynyń bastyǵy Oljas Sháripov.
