Almatyda monsha kesheninde jasyryn kazino jumys istep kelgen, dep habarlaidy QazAqparat Qarjylyq monitoring agenttiginiń baspasóz qyzmetine silteme jasap.
«Oiyn biznesi týraly» QR Zańynyń 11-babyna sáikes Qazaqstan Respýblikasynyń aýmaǵynda zańda belgilengen oryndardan tys kazino jáne oiyn avtomattarynyń qyzmetine tyiym salynǵan.
Agenttiktiń Almaty qalasy boiynsha aýmaqtyq departamenti qyzmetkerleri Almaty qalasyndaǵy monsha keshenderiniń birinde ornalasqan astyrtyn kazino qyzmetiniń jolyn kesti. Tekserý kezinde mekemede 23 oiynshy, sondai-aq qyzmet kórsetýshi personal bolǵany anyqtaldy. Qyzmetkerler shuǵa, túrli nominaldaǵy oiyn fishkasyn, plastik kartalardy tárkiledi.
Sonymen qatar, astyrtyn kazinoda tek turaqty klientterdi ótkizý júiesi jasalǵan. Oiynshylardyń qarajatyn qabyldaý kazino uiymdastyrýshylarynyń karta shotyna aýdarý arqyly júzege asyryldy.
«Qazirgi ýaqytta zańsyz oiyn biznesin uiymdastyrý deregi boiynsha sotqa deiingi tergep-tekserý isi bastaldy. Ózge aqparat tergeý múddesine orai jariia etýge jatpaidy», dep málimdedi vedomstvodan.
